Yasana: Kang Emsur
Peuting ieu
Aya sagurat pangharepan anu ilang
Ngawang kaliud séahna angin
Ngapak langit meuntas jerona méga
Saudat rasa nyangkaruk saukur kuciwa jero dada
Ngagurat lir panjangna kahayang
Ngampar lir legana dunya
Naha Naon
Anu jadi sabab ilang
Lain angin padahal anu mawa ilang
Lain hujan caina anu mawa palid
Teuing naha éta gurat pangharepan ilang
Ilang katutup ku méga
Tapi
Geuning apan itu méga
Anu jadi saksi ilangna ieu pangharepan.
#SCS_Sajaksunda_Emsur.
Balik deui ka beranda, klik di dieu!
0 koméntar:
Posting Komentar